Главная » 2021 » Январь » 30 » Retsidivist Ronaldu yana xohlagan ishini qilyapti: endi jazo muqarrar
09:04

Retsidivist Ronaldu yana xohlagan ishini qilyapti: endi jazo muqarrar


Krishtianu Ronaldu katta muammoga duch keldi. U sevgilisi Jorjina Rodrigesga syurpriz tayyorlagandi. Bu Italiya politsiyasini qiziqtirib qo‘ydi, deya xabar berdi «MIR 24» telekanali sport sharhlovchisi Aleksandr Brius.

Ronaldu sevgilisining tug‘ilgan kunini chang‘i kurortida nishonlashga qaror qildi. Atigi ikki kunlik ta’til yangi mojaroga sabab bo‘ldi. Krishtianu tog‘dagi sayohatini ijtimoiy tarmoqlarda e’lon qildi, ammo uni shu zahoti o‘chirib tashladi. Ortidan yana-da qiziqarli videoni joyladi — unda oy shu’lasi ostida qaynar buloqda cho‘milayotgani tasvirlangan. Hamma muammo shundaki, Krishtianu Kurmayor tog‘larida bayram uyushtirdi. Vaholanki, bu hudud koronavirus tufayli «to‘q sariq» zonada joylashgan. Sayyohlarning borishi taqiqlanadi. Ustiga-ustak, ziyofat bo‘lib o‘tgan mehmonxona ham rasman yopilgan.

Hozircha politsiya voqea yuzasidan izoh bermadi. Lekin karantin qoidalarini buzganlik uchun ma’muriy ish ochilgudek bo‘lsa, Ronaldu ham, Jorjina ham 400 yevrodan jarimaga tortiladi.

Bu oddiy italiyalik uchun katta pul. Biroq o‘tgan yilning o‘zida 105 million yevro ishlab olgan Krishtianu uchun dengizdan tomchi. U 400 yevrolik jarimani atigi ikki daqiqada ishlab topadi.

Faqat «Yuventus» klubi olovga yog‘ sepmasa bo‘lgani. Negaki, futbolchi koronavirus xavfsizlik qoidalarini birinchi marta buzmayapti. Italiya sport vazirligi ham bundan norozi.

Yulduzning xatti-harakati muxlislarning ham, sport mutasaddilarining ham g‘ashiga tega boshladi. Oktyabr oyida Ronaldu o‘zboshimchalik bilan karantinda bo‘lgan Turin klubini tark etib, Portugaliya terma jamoasi safiga qo‘shilgandi. Uning tarkibida kapitan bitta o‘yin o‘tkazdi. Shundan so‘ng koronavirusga topshirgan test natijasi musbat chiqqach, Italiyaga qaytdi. Ehtimol, endi retsidivist Ronaldu minimal jarima bilan qutulmasligi mumkin.


Manba: "qalampir.uz"
Категория: Sport olami | | Теги: Jazo, muqarrar, Ronaldu, Retsidivist | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя