Ronaldu sudga chaqirilishi mumkin. Unga qarshi jiddiy ayblov e’lon qilindi

Amerikalik model Ketrin Mayorga "aqliy qobiliyat" sinovidan o‘tadi va Las-Vegasda zo‘rlash ishi bo‘yicha sudda guvohlik beradi, deb yozmoqda “Mirror”.

Ta’kidlanishicha, 36 yoshli Mayorga 2009 yilda futbolchi Krishtianu Ronaldu tomonidan zo‘rlanganini isbotlamoqchi. Ma’lumotlarga qaraganda, o‘sha voqeadan so‘ng tomonlar 375 ming dollar evaziga oshkor qilmaslik to‘g‘risida shartnoma tuzishgan.

Ammo hozir Mayorga sukut saqlash bo‘yicha tuzilgan kelishuv shartlarini o‘sha paytda yetarlicha tushunmaganligini ta’kidlamoqda.

Agar model sudda muvaffaqiyat qozonsa, Ronaldu jamoat tinglovida guvohlik berish uchun chaqirilishi mumkin.