Сергелида қасддан баданга оғир шикаст етказиш жинояти содир бўлди

2017 йилнинг 11 октябрь куни тахминан соат 23:30 ларда, Р.Я. маст ҳолатда, Сергели тумани ҳудудида фуқаро С.Д. билан ўрталарида келиб чиққан жанжал оқибатида, унга ошхона пичоғи билан оғир тан жароҳати етказган. Натижада С.Д. Республика шошилинч тиббий ёрдам илмий марказига олиб борилиб, унга "чап тараф қорин соҳасига тешиб кирувчи санчилган-кесилган жароҳати” ташхиси қўйилган.

Мазкур ҳолат юзасидан Сергели тумани ИИБ ҳузуридаги Тергов бўлими томонидан Ўзбекистон Республикаси ЖКнинг 104-моддаси 1-қисми (қасддан баданга оғир шикаст етказиш) аломатлари билан жиноят иши қўзғатилган.

Ҳозирда дастлабки тергов ҳаракатлари давом эттирилмоқда.