Главная » 2019 » Февраль » 8 » Sevgi Iztirobi serialidagi Amir Ko‘zjio‘g‘li haqida nimalarni bilasiz?
21:17

Sevgi Iztirobi serialidagi Amir Ko‘zjio‘g‘li haqida nimalarni bilasiz?


Kaan Urganjio‘g‘lu – Turkiyaning eng talabgir aktyorlaridan biri, fotomodel. 30ga yaqin kinolentalarda suratga tushgan, lekin jahon miqyosidagi mashhurlikni unga «Sevgi iztirobi» serialidagi roli olib keldi.

Kaan 1981 yilning bahorida Turkiyaning Izmir shahrida dunyoga kelgan. O‘ziga to‘q xonadonda tarbiya topgan aktyor xususiy maktabda ta’lim olgan. Maktabni tugatgach oilasi bilan AQShga ko‘chib ketgan. U yerda kollejni tamomlagach, oliy ta’limni Turkiyadagi Marmara universitetida davom ettiradi.

Xushbichim ko‘rinishga ega bo‘lgan aktyor universitet davridayoq «All» va «InStyle»jurnallari uchun suratga tusha boshlaydi. Ko‘rkam ko‘rinish va baland bo‘yga ega Kaan tez orada prodyuserlarning e’tiboriga tushadi va filmlarda suratga tushish uchun taklif oladi.

Aktyorlik mahoratini oshirish uchun Kaan Urganjio‘g‘lu Nyu-Yorkka yo‘l oladi. U yerda aktyorlik mahorati bo‘yicha 4 oylik kursni tamomlaydi.

Uni butun dunyoga mashhur qilgan loyiha rejissyor Xilal Saralning – «Sevgi iztirobi» serialida Kaan millioner tadbirkorning yagona va erka o‘g‘li Amirni jonlantirgan. U o‘z rolini shunchalik mahorat bilan o‘ynaganki, salbiy rol bo‘lishiga qaramay, uning muxlislari soni bir necha barobarga ortgan.

Aktyorning shaxsiy hayoti haqida gapiradigan bo‘lsak, Kaan imkon qadar uni begona ko‘zlardan saqlashga harakat qiladi. U so‘nggi uch yil davomida Zeynep Oymak ismli fotograf bilan ishqiy munosabatda ekanligi, hattoki juftlik shu yilning yoz mavsumida nikohdan o‘tishi kerakligi haqidagi mish-mishla yurgan edi. Lekin hozirga qadar bu haqda hech qanday ma’lumot yo‘q.


Manba: "hordiq.uz"
Категория: Kino Yangiliklari | | Теги: Sevgi iztirobi | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя