Shveysariyada O‘zbekistonning Gulnora Karimova ishi bo‘yicha murojaati o‘rganilmoqda

Shveysariya Bosh prokraturasida Gulnora Karimova ishi yuzasidan O‘zbpekistonning murojaati o‘rganilayotgani haqida xabar berildi.

Shveysariya Bosh prokuraturasi O‘zbekiston Respublikasidan o‘zaro huquqiy yordam ko‘rsatish bo‘yicha murojaat kelib tushganini tasdiqladi.

Shveysariya Bosh prokuraturasi tomonidan 2012 yilda Gulnora Karimova va yana besh nafar shaxsga nisbatan korrupsion qonunbuzarlik aybi bilan jinoiy ish qo‘zg‘atilgan edi.

Shveysariya Bosh prokuraturasi tomonidan mazkur jinoyat ishi ochilganida 19 mamlakatdan huquqiy hamkorlik ko‘rsatishda yordam so‘rab murojaat qilingan.

Avvalroq, O‘zbekiston Respublikasi Bosh prokuraturasining Gulnora Karimova jinoiy ishi bo‘yicha to‘liq rasmiy ma’lumoti berilgan edi.

Zohirshoh Jo‘raev