Telegram messenjerida yangi qulayliklar

Telegram messenjeri yangi “Telegraph” platformasini ishga tushirdi. Telegram blogida keltirilgan xabarga ko‘ra, yangi imkoniyat orqali matn, surat yoki videotasvirli maqola yozish va chop etish mumkin bo‘ladi.
 
“Telegraph”dagi maqolaning matni, sarlavhasi, suratlarini Telegram orqali o‘qishga qulay shaklda yozish mumkin”, deya xabar qilinmoqda.
 
Bu xizmatdan foydalanish uchun “Telegra.ph”da matn yozib, manzilini Telegram’ga ko‘chirish kifoya. Shu tariqa avtomatik ravishda manzilga o‘tish tugmasi bosiladi.
 
Bundan tashqari kompaniya Telegram messenjeridan chiqib ketmagan holda, matn va maqolalarni ko‘rish imkoniyatini ham taqdim etdi.

Durdona Rasulova