Toshkent kichik xalqa yo‘lida vaqtinchalik harakat to‘xtatildi

Avval xabar berganimizdek, Toshkent kichik xalqa yo‘lining Farg‘ona yo‘li ko‘chasi bilan tutashgan nuqtasida qaytadan yo‘l o‘tkazgich qurilmoqda.

Mazkur qurilish ishlari munosabati bilan 21 avgustdan boshlab kichik xalqa yo‘lining bir qismida vaqtincha avtomobil harakati to‘xtatildi.

Shunga ko‘ra 24 avgustga qadar kichik xalqa yo‘lining Amir Temur ko‘chasidan to Maxtumquli ko‘chasigacha bo‘lgan qismida avtotransportlar harakati cheklanadi.

Mutasaddilarning so‘zlariga ko‘ra, mazkur ob’ektni mustaqillik bayrami arafasida foydalanishga topshirish rejalashtirilgan.

Durdona Rasulova