Главная » 2020 » Январь » 5 » Toshkent shahar hududi kengayishi kutilmoqda
11:34

Toshkent shahar hududi kengayishi kutilmoqda


Toshkent shahar hokimligi ma’muriyati poytaxtga qo‘shilishi rejalashtirilayotgan hududlar haqida ma`lum qildi.

Qayd etilishicha, Toshkent doimiy rivojlanmoqda, yangi infratuzilmalar va ijtimoiy ob’ektlar paydo bo‘lyapti, yangi turar joylar va majmualar qurilayotir, poytaxt aholisi o‘smoqda. 

Ma’lum qilinishicha, o‘sib borayotgan aholi hayot sifatini yaxshilash, shahar qiyofasini zamonaviy arxitektura va shaharsozlik talablariga javob beradigan darajaga olib chiqish, shuningdek, yangi shahar inshootlarining uzluksiz barpo etilishi va Toshkent viloyatining shaharga chegaradosh ba’zi tuman hamda shaharlarining Toshkent bilan paydo bo‘layotgan yaqindan aglomeratsiyasi ma’muriy chegaralarni vaqti-vaqti bilan kengaytirishni taqozo etyapti.

Davlat statistika qo‘mitasi ma’lumotlariga ko‘ra, 2019 yil 1 oktyabr holatiga ko‘ra Toshkent shahrining doimiy aholisi 2 554 900 kishini tashkil etgan. Kadastr bo‘linishiga ko‘ra, shaharning umumiy maydoni 33 500 ga yoki 334 kilometr kvadratga teng.

Poytaxt hokimligi matbuot xizmatining xabar berishicha, hozirda “Pastdarxon“, “Yuqoridarxon“ va “Toshkent“ mahallalarida aholini ro‘yxatga olish, ularda joylashgan ob’ektlar, muhandislik kommunikatsiyalarini qabul qilish ishlari hamda boshqa zarur chora-tadbirlar olib borilmoqda.

“Aytgancha, yirik shaharlarning kengayishi — dunyo tendensiyasi. Yanada ko‘proq odamlar shaharlarda yashashni afzal bilishmoqda, shahar aholisi zichligi qishloqnikiga nisbatan sezilarli ravishda yuqori bo‘lib boryapti“, — deyiladi matbuot xizmati xabarida.


Manba: "qalampir.uz"
Категория: Mahalliy Habarlar | | Рейтинг: 0.0/0
Всего комментариев: 0
avatar

MAVZUGA OID MA'LUMOTLAR

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя