Главная » 2021 » Февраль » 14 » Toshkent viloyatida yangi universitet ochiladi
16:57

Toshkent viloyatida yangi universitet ochiladi


Toshkent viloyati Qibray tumanida International School of Finance and Technology (ISFT) universiteti tashkil etiladi. O‘zbekiston Respublikasi Vazirlar Mahkamasining tegishli qarori loyihasi muhokama uchun maxsus portalga joylashtirildi.

“International School of Finance Technology and Science” MCHJ muassisligidagi mazkur universitet nodavlat oliy ta’lim tashkiloti hisoblanadi.

Universitetda respublikadagi ehtiyojlarni hisobga olib, xalqaro buxgalteriya hisobi va audit, biznes boshqaruvi, moliyaviy tahlil, moliyaviy risk boshqaruvi hamda boshqa sohalarda yuqori malakali kadrlarni tayyorlaydi. 

Universitetda o‘qitish o‘zbek, rus va ingliz tillarida amalga oshiriladi. Bitiruvchilarga O‘zbekiston Respublikasining oliy ma’lumot to‘g‘risidagi davlat namunasidagi diplom, xorijiy hamkorlar bilan tashkil etiladigan ASSA (Association of Chartered Certified Accountants) xalqaro dasturi bo‘yicha ta’lim olgan bitiruvchilarga esa Oxford Brookes University diplomi beriladi.

Muassis tomonidan universitetni rivojlantirish rejalariga muvofiq, respublikaning boshqa viloyatlarida universitetning filiallari tashkil etilishi mumkin.

Binosi Toshkent viloyati, Qibray tumani, “Salor” shaharcha fuqarolar yig‘inida joylashadigan universitetga 2023 yil 1 yanvarga qadar davlat tomonidan qator soliq imtiyozlari va preferensiyalar berilmoqda.


Manba: "qalampir.uz"
Категория: Mahalliy Habarlar | | Теги: Toshkent viloyatida, ochiladi, universitet | Рейтинг: 0.0/0

Copyright © Tarona.net Media 2014-2024 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя