Toshkentda ayol haydovchi birinchi sinf o‘quvchisini urib yubordi

Toshkent shahar Yashnobod tumanida “Matiz” avtomobili haydovchisi yosh bolani urib yubordi. Bola darhol kasalxonaga yetkazildi, deb xabar berdi Nuz.uz.

Xabarga ko‘ra, 1 aprel kuni 37 yoshli ayol “Matiz” avtomobilida “Aviasozlar-4” mavzesida 244-maktabning 1-sinf o‘quvchisini urib ketgan. Toshkent IIBB YHXB matbuot xizmatining xabar berishicha, bola 4-shahar klinik shifoxonasiga olib kelingan.

Ma’lumotlarga ko‘ra, bola yo‘lni belgilanmagan joydan kesib o‘tayotgan bo‘lgan. Hozirda ushbu holat yuzasidan tekshiruv ishlari olib borilmoqda.

Bobur Jalolov