Toshkentda farzandini sotayotgan ona jinoyat ustida ushlandi

Joriy yilning 13 aprel kuni Toshkent shahar Chilonzor tumanida bir ona ko‘proq pul topish maqsadida o‘zining voyaga yetmagan 4 yoshli farzandini sotayotgan paytda jinoyat ustida qo‘lga olindi.

Bu haqda bugun, 20 aprel kuni Toshkent shahar IIBBda bo‘lib o‘tgan brifingda xabar berildi. Ma’lum bo‘lishicha, ayol bolasini 14 ming 100 AQSh dollariga pullayotgan paytda jinoyat ustida daliliy ashyolar bilan qo‘lga olingan.

Ayolga nisbatan O‘zbekiston Respublikasi Jinoyat Kodeksining 135-moddasi 3-qismi "a" bandi, ya’ni odam savdosi bilan shug‘ullainsh bo‘yicha jinoiy ish ochildi.

4 yoshli bolakay esa Toshkent IIBBga qarashli Voyaga yetmaganlarga ijtimoiy-huquqiy yordam ko‘rsatish markaziga topshirildi. Hozirda uning ahvoli yaxshi.

Brifingda namoyish etilgan videorolik orqali bola o‘z tengqurlari bilan o‘ynar ekan, "men onamni yaxshi ko‘raman, onamni sog‘indim", dedi.

Bobur Jalolov