Главная » 2021 » Март » 14 » Toshkentdagi kafeda 45 kishi ishtirokida ommaviy janjal yuz berdi
21:57

Toshkentdagi kafeda 45 kishi ishtirokida ommaviy janjal yuz berdi


Chilonzor tumanida joylashgan “Troya” kafesida ommaviy mushtlashuv yuzaga kelgan. Bu haqda Toshkent shahar IIBB axborot xizmati xabar berdi.

Voqea joriy yilning 8 yanvar kuni 23:30 larda sodir bo‘lgan. Kuzatuv kamerasi orqali olingan videoda jamoat tartibi buzilgan haqiqiy to‘s-to‘polonni kuzatishingiz mumkin. Holat yuzasidan jinoyat ishi ochilgan.

Ichki ishlar organlari olib borgan dastlabki tergov harakatlari natijasida kafeda vaqtini chog‘ o‘tkazayotgan mehmonlarning bir guruhi va qo‘shni stoldagi boshqa mijozlar o‘rtasida janjal yuzaga kelgani aniqlangan.

Kafe qo‘riqchilari mehmonlarni tinchlantirishga harakat qilishgan. Jazavaga tushgan mehmonlar ogohlantirishlarga qaramay voqeani yanada keskinlashtirib yuborishgan. Oqibatda mijozlar va kafe qo‘riqchilari o‘rtasida mojaro mushtlashuvga aylangan.

Kafe xodimlari ichki ishlar xodimlariga qo‘ng‘iroq qilish o‘rniga janjalni o‘zlari chaqirgan mushtumzo‘rlar bilan davom ettirishgan.

Sud tibbiy ekspertizasining ma’lum qilishicha, mijozlardan uch nafaring olgan tan jarohati sog‘lig‘ining qisqa muddatga buzilishiga olib kelgan.

Ushbu janjalda 45 nafar odam ishtirok etgan bo‘lib, mazkur holat bo‘yicha tergov harakatlari olib borilmoqda.

Avvalroq, Toshkentda xorijiy oliy ta’lim muassasalari talabalari ishtirokida o‘tkazilgan futbol musobaqasida ommaviy janjal sodir bo‘lgani haqida xabar bergan edik.


Manba: "qalampir.uz"
Категория: Mahalliy Habarlar | | Теги: kafeda, Ommaviy, Toshkentdagi, Janjal | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя