Tramp koronavirusni aniqlovchi testdan bosh tortdi

AQSH Prezidenti Donald Tramp koronavirusni aniqlashtiruvchi testdan o‘tishga rozi bo‘lmadi. U bu haqda bir guruh jurnalistlar bilan muloqot chog‘ida aytib o‘tdi.

“Men bu narsaga biror bir sabab ko‘rmayapman. Chunki o‘zimni yaxshi his etyapman”, degan Tramp.

Davlat rahbari, shuningdek, Oq uyning shifokori bilan suhbatlashganini, u testdan o‘tishga hojat yo‘qligini aytdi.

So‘nggi ma’lumotlarga ko‘ra, jahonda koronavirusga chalinganlar soni 126 629 nafardan oshdi. 4627 kishi kasallikdan vafot etdi. 68 218 bemor shifo topdi.