Tramp “Parazitlar” g‘alabasidan darg‘azab

AQSH Prezidenti Donald Tramp Janubiy Koreya kino ijodkorlarining “Parazitlar” filmi (Gisaengchung, 2019) “Oskar”ning bosh mukofotini yutganiga rozi emasligini bildirdi. Bu haqda u Kolorado shtatidagi miting vaqtida aytib o‘tdi. 

“Janubiy Koreya filmi g‘olib bo‘ldi. Bu qanaqasi? Bizda Janubiy Koreya bilan savdoda yetarlicha muammo mavjud, ularga bo‘lsa eng yaxshi film uchun mukofot berishyapti. Shu yaxshimi? Bilmayman. “Shamollarda qolgan hislarim”, “Sanset bulvar”ni qaytaring, ajoyib kinolar bor, g‘olib – Janubiy Koreyadan. Bunaqasi avval bo‘lmagan”, degan Prezident.

Eslatib o'tamiz, joriy yilning 9 fevral kuni janubiy koreyalik rejissyor Pon Chjun Xoning “Parazitlar” kinokartinasi Amerika kino akademiyasining 92-marosimida “Eng yaxshi film” nominatsiyasi bo‘yicha “Oskar” yutdi.