Uchta OTMga rektor tayinlandi

Hukumat qarori bilan Toshkent shahridagi uchta oliy ta’lim muassasasiga yangi rektorlar tayinlandi. Bu haqda «Huquqiy axborot» kanali xabar berdi.

Jumladan:

• G‘ayrat Azatovich Muratov Toshkent shahridagi Adju universitetining rektori etib;
• Kamol Saidakbarovich Rizayev Toshkent farmatsevtika institutining rektori etib;
• Jamshid Shuhratullayevich Inoyatxo‘jayev Toshkent shahridagi Turin politexnika universiteti rektori vazifasini bajaruvchi etib tayinlandi.