Главная » 2021 » Май » 24 » Ushbu haftada o‘ta issiq ob-havo bo‘lishi kutilmoqda
16:11

Ushbu haftada o‘ta issiq ob-havo bo‘lishi kutilmoqda


«O‘zgidromet» joriy hafta boshida kutilayotgan ob-havo ma’lumotini e’lon qildi. 

Bugun respublikamizning janubi-sharqiy qismi baland siklon ta’siri ostida bo‘ladi. Toshkent, Andijon, Namangan, Farg‘ona viloyatlarida va tog‘ oldi va tog‘li hududlarda ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Momaqaldiroq paytida shamol 17-22 m/s gacha kuchayishi mumkin. Kunduzgi havo harorati 29-34° atrofida bo‘ladi.

25-mayda baland siklon ta’siri faqat respublikaning eng sharqiy hududlarida saqlanib turadi. Farg‘ona vodiysi viloyatlarida, tog‘ oldi va tog‘li hududlarda ba’zi joylarda qisqa muddatli yomg‘ir yog‘ishi, shamol 17-22 m/s gacha kuchayishida momaqaldiroq bo‘lishi mumkin.

26-maydan O‘zbekiston hududiga Eron hududlaridan juda iliq havo massalari kirib kelishi boshlanadi. Kunduzgi havo harorati 34-37° gacha, janubda va cho‘l hududlarda 38-40° gacha ko‘tariladi, bu o‘rtacha ko‘p yillik qiymatlardan 5-8° ga ko‘p bo‘ladi.

«O‘zgidromet» 24-27-may kunlarida respublikaning tog‘ oldi va tog‘li hududlarida mahalliy yomg‘irlar yog‘ishi hisobiga sel kelishi xavfi haqida ogohlantiradi.


Manba: "xabar.uz"
Категория: Mahalliy Habarlar | | Теги: o‘ta, issiq, ob-havo | Рейтинг: 0.0/0
Всего комментариев: 0
avatar

Copyright © Tarona.net Media 2014-2021 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя