Главная » 2020 » Август » 30 » Uzoq umr ko‘rgan er-xotin Ginnessning rekordlar kitobiga kiritildi
16:40

Uzoq umr ko‘rgan er-xotin Ginnessning rekordlar kitobiga kiritildi


Ekvadorlik Xulio Sezar Mora va uning rafiqasi Valdramina Makloviya Kinteros turmush qurishganiga 79 yil bo‘ldi. Er — 110 yoshda, Valdramina esa oktyabrda 105 yillik yubileyini nishonlaydi.

Ushbu er-xotin — eng uzoq umr ko‘rgan juftlik bo‘lib, umumiy yoshi 214 yil-u 358 kunni tashkil etadi. Ginnessning rekordlar kitobi mazkur rekordni tasdiqladi. Xulio va Valdramina, shuningdek, dunyodagi eng keksa er-xotin hisoblanadi.

Mora 1910-yil 10-martda, Kinteros esa 1915-yil 16-oktyabrda dunyoga kelgan. Ular maktab ta’tili paytida tanishib qolishgan. Xulioning opasi Kinterosning amakasi bilan turmush qurishgan, deyiladi Ginnessning rekordlar kitobi xabarida.

Yetti yillik do‘stlashuvdan so‘ng yigit bilan qiz 1941-yil 7-fevral kuni turmush qurishdi. Faqat to‘y yaqin do‘stlari va cho‘qintirgan ota-onalari ishtirokida o‘tgan. Chunki ularning oilasi dastlab bu nikohga qarshi bo‘lishgan. Xulio va Vadraminaning so‘zlariga ko‘ra, ota-onasi boshida chiqisholmagan, biroq keyinchalik yaqin bo‘lib ketishgan.

«Oilaviy qadriyatlarga asoslangan sevgi-muhabbat, o‘zaro hurmat-e’tibor, yaxshi ta’lim va halol mehnat uzoq yillar davomida baxtli hayot kechirishga sabab bo‘ldi», — deya rekordchi er-xotinning so‘zlarini keltirgan «CNN».

Xulio va Vadraminaning 5 ta farzandi, 11 ta nevarasi, 21 ta evarasi va 9 ta chevarasi bor. Ma’lumotlarga ko‘ra, katta o‘g‘li 58 yoshida hayotdan ko‘z yumgan. Er-xotin pensiyaga chiqqunga qadar o‘qituvchilik qilishgan. Qizlaridan biri Aura Sesiliyaning aytishicha, ota-onasi birga kino va teatrga borishni, bog‘da ishlashni va ko‘p vaqtini oilasi va do‘stlari davrasida o‘tkazishni yoqtiradi.


Manba: "xabar.uz"
Категория: Dunyo xabarlari | | Теги: rekordlar kitobiga, uzoq umr, Ginnessning, kiritildi, er-xotin | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя