Xitoyda 2020-yil 1-fevraldan boshlab koronavirusdan vafot etgan bemorlarni dafn etish taqiqlandi. Bu haqda Business Insider nashri ma’lum qildi.
Yangi tartibga ko‘ra, vafot etgan bemorlar eng yaqin maxsus hududlarga olib boriladi va yoqib yuboriladi. Shuningdek, virus tufayli vafot etganlarning jasadiga qarindoshlarining yaqinlashishiga ham ruxsat berilmaydi.
Eslatib o‘tamiz, so‘ngi ma’lumotlarga ko‘ra koronavirus yuqtirganlar soni dunyo bo‘yicha 14 mingdan ortib ketdi, ulardan hozirgacha 362 nafar bemor vafot etdi.