Xitoy koronavirusga qarshi ommaviy vaksinatsiyani boshladi

Xitoyda o‘n minglab odamlar koronavirusga qarshi vaksina qabul qildi, deb yozmoqda «New York Post».

Vaksinaning xavfsizligi va samarasi hali isbotlanmagan. Xitoyliklar ushbu vaksinani iyul oyidan olishni boshlagan.

Xitoy sog‘liqni saqlash milliy komissiyasi a’zosi Chjen Chjunvey XXR vaksinani JSST bilan bamaslahat qo‘llashga kirishganini ta’kidlagan. Uning aytishicha, «yuqori xavf»li kasb egalari, jumladan, tibbiyot xodimlari 22-iyuldan vaksinani qabul qilish huquqiga ega bo‘lgan.

Chjen Chjunvey klinik sinovlar chog‘i vaksina jiddiy salbiy oqibatlarga olib kelmaganini qo‘shimcha qilgan.

O‘z navbatida, JSST vaksinadan favqulodda foydalanish bo‘yicha Xitoy «ichki ruxsat» berganini, bunday holatlarga tashkilot aralashmasligini bildirgan.