Xitoyda 140 dan ortiq kishi yer ko‘chkisi tufayli izsiz yo‘qoldi

Xitoyning janubi-g‘arbidagi Sichuan viloyatida yer ko‘chkisi yuz berdi. Natijada 140 nafardan ortiq kishi izsiz yo‘qoldi.

Voqea Sinmo qishlog‘ida kecha, 24 iyun kuni erta tongda sodir bo‘ldi. 46 ta uy yer va tosh parchalarining ostida qolib ketdi.

Sinxua agentligi esa 100 dan ortiq odam halok bo‘lgani haqida xabar tarqatdi.

Qutqaruv-qidiruv ishlarida 500 dan ortiq qutqaruvchi ishtirok etdi. Yo‘lning 1,6 km qismi butunlay yopilib qolgan.

Xitoy Xalq Respublikasi raisi Si Szinpin omon qolganlarni topish uchun barcha zarur chora-tadbirlarni qo‘llashga chaqirdi.

Qutqaruvchilar uyumlar ostidan 3 kishidan iborat oilani chiqazib olishga muvaffaq bo‘ldi.

Polisiya ma’lumotlariga ko‘ra, yer ko‘chkisiga bir necha haftadan buyon shu hududda davom etayotgan kuchli yomg‘irlar sabab bo‘lgan.

Sumbula