Xonanda Umidaxon turmushga chiqyapti. Kuyov kim?

“Nihol” mukofoti sovrindori Umidaxon Xo‘jayeva turmushga chiqyapti. O‘tgan hafta, 21 aprel kuni to‘y oldidan Fotiha marosimi bo‘lib o‘tgan.

Kuyov ham san’at olamiga begona emas. Umidaxonni o‘ziga rafiqa sifatida tanlagan yigit Jamshid Bobojonov qariyb 8 yildirki san’at olamida faoliyat yuritadi.

Avvaliga “Nihol” mukofoti sovrindori Manzura Yo‘ldoshevaning ma’muri sifatida ish boshlagan Jamshid, ayni damda xonanda Nilufar Usmonovaga ma’murlik qilmoqda.

Xabar qilishlaricha, to‘y joriy yilning 15 may kuni bo‘lib o‘tadi.

Ma’lumot o‘rnida, Umidaxon Xo‘jayeva 1990 yilning 2 mart sanasida dunyoga kelgan.