Yangi-Angren IESdagi portlagan sexning rahbari o‘zini osib qo‘ydi

Avvalroq portlash sodir bo‘lgan Yangi-Angren IESda sex rahbari lavozimida ishlab kelgan 40 yoshli S.Sh. uyida o‘zini osib qo‘yishi oqibatida vafot etgan. Ushbu ma’lumotni QALAMPIR.UZ manbalari tasdiqladi.

Ma’lum qilinishicha, IESdagi portlash u rahbarlik qiladigan sexda sodir bo‘lgan. Marhum IESda sodir bo‘lgan portlash ishi bo‘yicha tergovga jalb qilingan. 

Hozircha sex rahbarining o‘zini osishiga nima sabab bo‘lgani ma’lum emas. 

Eslatib o‘tamiz, avvalroq Yangi-Angren IES hududida portlash yuz bergani xabar qilingandi.