YouTube yulduzi Stivi Rayan o‘z joniga qasd qildi

YouTube’dagi kanali orqali mashhurlarni parodiya qilib kelayotgan Stivi Rayan vafot etdi. Aktrisaning yoshi 33 da bo‘lib, uning murdasi Los-Andjelesdagi xonadonlardan birida topilgan. Ekspert xulosasiga ko‘ra, Stivi Rayan o‘zini osib, joniga qasd qilgan.

Ma’lum bo‘lishicha, shu kunlarda Rayan o‘ta tushkun ahvolda bo‘lgan va o‘tgan chorshanba bobosi vafot etganini aytgan. Shuningdek, u ijtimoiy tarmoqlarda bobosiga yuzlanib, yaqin orada marhum bobosi bilan ko‘rishishga borishini va’da qilgan.

Ta’kidlash joizki, Stivi Rayanning YouTube’dagi kanaliga 50 ming kuzatuvchi a’zo bo‘lgan, videolarning ko‘rilganlik soni esa milliontaga yetgan. O‘z videolari orqali aktrisa Jastin Biber, Kim Kardashyan va boshqa mashhurlar parodiya qilingan postlar joylashtirgan. Shuningdek, Rayan “Stevie TV” teleshousining boshlovchisi bo‘lib ham faoliyat yuritgan.

Nigina Hakimova