21:47 Zangiotadagi shifoxonada “svet” o‘chib, 300 dan ortiq bemor o‘lgani rostmi? Vazirliklar izoh berdi | |
Ijtimoiy tarmoqlarda Toshkent viloyatidagi Zangiota yuqumli kasalliklar shifoxonasida elektr ta’minoti uzilib qolgani haqida ma’lumotlar tarqaldi. Jurnalist Xurshid Daliyevning Twitter sahifasidagi postida Covid markazida ahvol yomonlashib, kislorod konsentratoriga ulangan bemorlarning ko‘pchiligi vafot etgani aytilgan. Mazkur xabarlar qanchalik haqiqatga yaqinligini o‘rganish uchun QALAMPIR.UZ muxbiri Sog‘liqni saqlash va Energetika vazirliklari Matbuot kotiblari bilan bog‘landi. Sog‘liqni saqlash vaziri Matbuot kotibi Furqat Sanayev bu ma’lumot haqiqatga umuman to‘g‘ri kelmasligini ta’kidladi.
O‘z navbatida, Energetika vazirligi Matbuot kotibi Sabina Sagadeyeva ham Zangiotadagi yuqumli kasalliklar shifoxonasi elektr energiyasi ta’minotidan uzilib qolganini rad qildi. Vazirlik tez orada bu bo‘yicha rasmiy munosabat bildirishini qo‘shimcha qildi. Eslatib o‘tamiz, Zangiota yuqumli kasalliklar shifoxona joriy yilning 6 iyulidan bemorlarni qabul qila boshlagan. Shifoxona yangi va zamonaviy talablarga moslab qurilgan. Tibbiyot muassasasida elektr energiyasidagi uzilishlarni inobatga oligan holda generatorlar ham o‘rnatilgan bo‘lishi kerak.
Manba: "qalampir.uz"
| |
|