Главная » 2020 » Март » 25 » Epidemiyaga qarshi kurash qoidalari yana buzildi
10:08

Epidemiyaga qarshi kurash qoidalari yana buzildi


Holat yuzasidan Jinoyat kodeksining 257-1-moddasi bilan jinoyat ishi qo‘zg‘atilib, gumon qilinuvchi protsessual tartibda ushlangan

Rossiya Federatsiyasi orqali Moskva-Toshkent yo‘nalishidagi poyezd bilan respublikaga kirib kelgan fuqaro Sh.R. Qoraqalpog‘iston Respublikasi hududida joylashgan “Dout ota” bojxona chegara postidagi tekshirish vaqtida, koronavirus (Covid-19) kasalligiga chalinganlikda gumonlangan.

O‘zbekiston Respublikasi IIV huzuridagi Tergov departamenti xabariga ko‘ra, u Qoraqalpog‘iston Respublikasi Nukus shahridagi “bolalar markaziy kasalxonasi”ning karantin bo‘limiga davolash maqsadida yotqizilgan bo‘lishiga qaramasdan epidemiyaga qarshi kurash qoidalarini ko‘pol ravishda buzib, o‘zboshimchalik bilan 21 mart kuni kasalxonadan qochib ketganligi aniqlangan.

Olib borilgan tezkor qidiruv ishlari natijasida, fuqaro Shofirkon tumanida ushlangan.

Ushbu holat yuzasidan 21 mart kuni Sh.R.ga nisbatan Qoraqalpog‘iston Respublikasi IIV huzuridagi Tergov boshqarmasi tomonidan Jinoyat kodeksining 257-1-moddasi (Sanitariyaga oid qonun hujjatlarini yoki epidemiyaga qarshi kurash qoidalarini buzish) bilan jinoyat ishi qo‘zg‘atilib, gumon qilinuvchi protsessual tartibda ushlangan.

Hozirda jinoyat ishi bo‘yicha dastlabki tergov Tergov departamenti tomonidan alohida nazoratga olingan.


Manba: "kun.uz"
Категория: Mahalliy Habarlar | Просмотров: 2652 | Добавил: admin7007 | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя