Главная » 2020 » Январь » 12 » haydovchini hech bir sababsiz do‘pposladi
22:45

haydovchini hech bir sababsiz do‘pposladi


Buxoro viloyatidan o‘tuvchi M-37 avtomobil yo‘lida mast holatdagi bezorilar turkiyalik haydovchini do‘pposlashdi, deb xabar bermoqda IIV huzuridagi Tergov departamenti axborot xizmati.

Hodisa Buxoro viloyati Jondor tumani hududidan o‘tuvchi M-37 avtomobil yo‘lining 303 kilometrida sodir bo‘lgan.

Ikki nafar mast holatdagi bezorilar Turkiya Respublikasi fuqarosi 63 yoshli M.D. boshqaruvidagi "Mercedes-Benz" rusumli yuk avtomashinasiga tosh otib, uni to‘xtatishib, so‘ng urib-do‘pposlab, tan jarohati yetkazishgan.

Turkiyalik fuqaroga birinchi tibbiy yordam ko‘rsatilgan.

Hodisa sodir bo‘lgan joydan qonga o‘xshash dog‘lar olingan va tegishli ekspertizalar tayinlangan.

Mazkur holat yuzasidan Jondor tuman IIB huzuridagi Tergov guruhi tomonidan G.X. va J.R.larga nisbatan Jinoyat kodeksining 277-moddasi 2-qismi "b,d" bandlari (bir guruh shaxslar tomonidan qariyaga nisbatan sodir etilgan bezorilik) bilan jinoyat ishi qo‘zg‘atilgan, ular jinoyat ishi bo‘yicha gumon qilinuvchi tariqasida ishtirok etishga jalb qilinib, protsessual tartibda ushlanganlar.

Hozirda dastlabki tergov harakatlari davom ettirilmoqda.


Manba: "sof.uz"
Категория: Mahalliy Habarlar | Просмотров: 157 | Добавил: admin7007 | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама | Мы не несём ответственности за содержание. | Бесплатные произведения предназначены исключительно для предварительного ознакомительного прослушивания. Использование материалов сайта возможно только с письменного разрешения Администрации. |