Главная » 2020 » Февраль » 3 » Tojikiston Rossiyadan koronavirusga qarshi kurashda yordam so‘radi
21:44

Tojikiston Rossiyadan koronavirusga qarshi kurashda yordam so‘radi


Tojikiston sog‘liqni saqlash vazirligi yangi turdagi koronavirus tarqalishining oldini olishda Rossiyadan yordam so‘radi. Bu haqda mamlakat sog‘liqni saqlash vazirligi matbuot xizmati boshlig‘i Bibixonum Darveshzoda ma'lum qildi.

Uning so‘zlariga ko'ra, Rospotrebnadzor bu borada ko‘mak berishni va'da qilgan. Hozirda Tojikiston teplovizorlar, diagnostika uskunalari va dori vositalari yetkazib berilishini kutmoqda.

Shu bilan birga, Tojikiston shifokorlarni maxsus libos bilan ta'minlash bo‘yicha Jahon sog‘liqni saqlash tashkiloti bilan muzokara boshlagan.

Avvalroq Rossiya YeOII va MDH davlatlariga koronavirusni laborator diagnostika qilish vositalarini yetkazib berayotgani xabar qilingandi.

So‘nggi ma'lumotlarga ko‘ra, Xitoyda yangi koronavirusdan bir kun ichida 57 kishi vafot etdi. Shu tariqa, epidemiya boshlangandan beri uning qurbonlari soni 361 nafarga yetdi, kasallanganlar esa yana 2829 kishiga ko‘payib, 17205 nafarni tashkil qilmoqda. Yana 22 davlatda 148 kishi kasallikka chalingani qayd etilgan.


Manba: "kun.uz"
Категория: Dunyo xabarlari | Просмотров: 819 | Добавил: admin7007 | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя