Ana bo‘lmasa! Poytaxtda antiqa qoidabuzarlik qayd etildi

Internet tarmoqlarida Lacetti haydovchisi transport vositasining davlat raqami belgisini teskari o‘rnatib boshqargani haqida videolavha qo‘yilgan.

YHXB xodimlari tomonidan ko‘rilgan choralar natijasida Yangi Sirg‘ali ko‘chasida transport vositasining davlat raqami belgisini teskari o‘rnatib boshqargan haydovchi 1994 yilda tug‘ilgan M.Sh. aniqlandi.

Ushbu haydovchiga nisbatan O‘zbekiston Respublikasi ma’muriy javobgarlik to‘g‘risidagi Kodeksning 125-5 (jarimasi EKIH 5 miqdorida) moddasiga asosan ma’muriy bayonnoma tuzilgan va avtoulov vaqtinchalik jarima maydoniga qo‘yilgan, deya xabar berdi Toshkent shahar IIBB Yo‘l harakati xavfsizligi boshqarmasi.

Firdavs BEK