Toshkentlik 21 yashar yigit giyohvand modda bilan qo‘lga tushdi

Toshkentlik 21 yashar yigit qariyb 1 kg giyohvand modda bilan qo‘lga olindi. Bu haqda O‘zbekiston Respublikasi Ichki ishlar vazirligi Matbuot xizmati xabar bermoqda.
 
Gap shundaki, Toshkent viloyati Quyichirchiq tumani IIB xodimlari tomonidan o‘tkazilgan tezkor tadbir jarayonida Toshkent shahar Sergeli tumanida yashovchi  21 yoshli shaxs to‘xtatib tekshirilganida, uning yonidan 934 grammdan ziyodroq  “marixuana” giyohvand moddasi topilib, daliliy ashyo sifatida olingan.
 
Mazkur holat yuzasidan O‘zbekiston Respublikasi Jinoyat Kodeksining tegishli moddasi bilan jinoyat ishi qo‘zg‘atilib, hozirda tergov harakatlari olib borilmoqda.