Xushxabar! Farg‘onada 2 nafar bemor koronavirusdan qutuldi

Bugunning ilk xushxabarini Farg'ona viloyatida 2 nafar koronavirus infeksiyasiga chalingan bemorning tuzalib chiqqanligi haqidagi yangilik bilan boshlaymiz. Sog‘ayganlar viloyat sog‘liqni saqlash boshqarmasi mas’ullari ishtirokida reabilitasiyaga kuzatildi.
Tuzalib chiqqanlarning ikkalasi ham erkak, 1 nafari (65 yoshda) Samarqand viloyatidan bo‘lib, Turkiyadan kelgan, yana 1 nafari (54 yoshda) farg‘onalik, Rossiyadan kelgan va karantinga olingan. Kasallik aniqlangach shifoxonaga yotqizilgan.
Viloyatda shu paytga qadar 59 nafar bemor sog‘aygan bo‘lsa, endilikda ular 61 nafarga yetdi.
Ayni paytda mamlakatimiz bo‘ylab koronavirus infeksiyasidan butunlay sog‘ayganlar soni 994 nafarni tashkil etmoqda.

Sog‘liqni saqlash vazirligi
Jamoatchilik bilan aloqalar bo‘limi.