Главная » 2018 » Август » 29 » Bu yil bakalavriatga ajratilgan qabul kvotalarining 13 mingdan ortig‘i bo‘sh qoldi
09:26
Bu yil bakalavriatga ajratilgan qabul kvotalarining 13 mingdan ortig‘i bo‘sh qoldi

Bugun, 28 avgust kuni Milliy matbuot markazida Oliy va o‘rta-maxsus ta’lim vazirligi va OAV vakillari ishtirokida bo‘lib o‘tgan uchrashuvda 2018-2019 o‘quv yilida oliy ta’lim tizimiga joriy etilgan yangiliklar va huquqiy-me’yoriy hujjatlarga kiritilayotgan o‘zgartirishlar haqida ma’lumot berildi.

Jumladan, 2018-2019 o‘quv yili uchun belgilangan 82900 nafar o‘rniga 69516 nafar abiturient talabalar safiga qo‘shilgan. Ushbu vaziyatga Oliy va o‘rta-maxsus ta’lim vazirligi boshqarma boshlig‘i Abduvali Xoliqov izoh bergan.

«2018-2019 o‘quv yili uchun respublika Oliy ta’lim muassasalariga jami 679 979 nafar abiturient hujjat topshirgan (o‘tgan yili 729 947 nafar). 13 kun davomida o‘tkazilgan test sinovlarida 69 516 nafar abiturient qabul qilindi. Ammo biz 82 900ta qabul kvotasini joriy etgandik. Texnika yo‘nalishlariga hujjat topshirgan abiturientlar eng yuqori ballning 30 foizini (56.7 ball) ham to‘play olishmagan. Natijada, respublika bo‘yicha ajratilgan qabul kvotalarining 13 mingdan ortig‘i bo‘sh qoldi», deya boshqarma boshlig‘i so‘zlarini keltirgan «Kun.uz» muxbiri.

Eslatib o‘tamiz, respublika OTMlariga o‘qishga qabul qilish bo‘yicha Davlat komissiyasi majlisining 5-son bayoni bilan test sinovlarida kirish uchun yetarli ball to‘play olmagan, biroq eng maksimal ballning 30 foizini to‘plagan abiturientlarga oliy ta’lim olish imkonini berish maqsadida 276ta yo‘nalishda jami 11 xil miqdorda oshirilgan to‘lov-kontrakt miqdori tasdiqlandi.


Manba: "kun.uz"
Категория: Mahalliy Habarlar | Просмотров: 469 | Добавил: ADMIN | Теги: qabul kvotasi, DTM, Yangi o‘quv yili, bakalavriat | Рейтинг: 0.0/0
Всего комментариев: 0
avatar

Copyright © Tarona.net Media 2014-2018 | Все права защищены | Реклама | Мы не несём ответственности за содержание. | Бесплатные произведения предназначены исключительно для предварительного ознакомительного прослушивания. Использование материалов сайта возможно только с письменного разрешения Администрации. |