Главная » 2020 » Июнь » 25 » Isitmasi bor abituriyentlar testga kiritilmaydi. Ulardan qachon imtihon olinishi ma'lum qilindi
20:39

Isitmasi bor abituriyentlar testga kiritilmaydi. Ulardan qachon imtihon olinishi ma'lum qilindi


2020/21 o‘quv yili uchun o‘tkaziladigan kirish imtihoni kunida abituriyentning tana harorati 37 darajadan yuqori bo‘lsa, imtihonga kiritilmaydi. Test sinovlari to‘liq yakunlangach, to‘rtinchi kuni shunday abituriyentlar uchun imtihon o‘tkaziladi.

AOKAda o‘tkazilgan brifingda ma'lum qilinishicha, koronavirus pandemiyasi sharoitida test sinovlari jarayonida abituriyentlarning xavfsizligini ta'minlash maqsadida hududga kiritishda tana harorati 37 darajadan yuqoriligi aniqlangan abituriyent test sinovlariga kiritilmaydi hamda Sanitariya-epidemiologiya va osoyishtalik agentligi mas'ul xodimlari va Davlat test markazi vakili ishtirokida dalolatnoma tuzib, tibbiy tekshiruv o‘tkaziladi.

Mazkur tartib Davlat komissiyasining 1-sonli bayoni bilan belgilanmoqda.

«Sanitariya-epidemiologiya va osoyishtalik agentligining tibbiy tekshiruvidan o‘tkazilgan va koronavirus kasalligi aniqlanmagan abituriyentlar uchun respublika bo‘yicha test sinovlari to‘liq yakunlangandan so‘ng to‘rtinchi kuni test sinovlari o‘tkaziladi.

SES taqdim etgan xulosa asosida test sinovlariga tana harorati yuqoriligi sababli kiritilmagan abituriyentlar DTM tomonidan test sinovi o‘tkazilishidan kamida bir kun oldin (shaxsiy kabinetiga hamda telefoniga xabar yuborish orqali) ogohlantiriladi.

Test sinovlari yakunlangandan 4 kun o‘tgach o‘tkaziladigan imtihonlarda ham abituriyentda tana haroratining yuqoriligi aniqlansa, u imtihonda ishtirok eta olmaydi», deyiladi brifing axborotnomasida.


Manba: "kun.uz"
Категория: Mahalliy Habarlar | | Теги: abituriyentlar, testga kiritilmaydi, ma'lum qilindi, imtihon olinishi, qachon, Isitmasi bor | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя