Mo‘’jizami bu?! COVID-19 aniqlangan bolakay u bilan gaplashgan 172 kishining hech biriga xastalikni yuqtirmadi

Fransiyadagi Yoqori Savoye bo‘limida koronavirus tashxisi qo‘yilgan to‘qqiz yoshli bola u bilan gaplashgan 172 kishining hech biriga xastalikni yuqtirmadi. Bu haqda The Guardian xabar berdi.

Bolaning yaqin qarindoshlaridan birortasida ham virus aniqlanmadi. Biroq bola bilan bog‘langan 172 kishining barchasi ehtiyot chorasi sifatida karantinga olingan.

Ta’kidlanishicha, bolaga infeksiya tashxisi qo‘yilgunga qadar u birdaniga uchta chang‘i bo‘yicha mahalliy maktablarga qatnagan.

Shu bois endilikda Fransiya sog‘liqni saqlash idoralari bolalar virusning asosiy tarqatuvchilari bo‘lmasligi mumkinligini taxmin qilishmoqda.