Главная » 2020 » Октябрь » 9 » COVID-19 bemorlari tuzalgandan keyin ham g‘alati alomatlardan shikoyat qilishyapti
22:18

COVID-19 bemorlari tuzalgandan keyin ham g‘alati alomatlardan shikoyat qilishyapti


COVID-19ni boshidan o‘tkazgan ko‘pgina bemorlar haligacha o‘rganilmagan g‘alati alomatlardan shikoyat qilishmoqda. Bu haqda Indiana universiteti Tibbiyot maktabi dotsenti Natali Lambertning so‘zlariga tayanib «Medicalxpress» nashri xabar berdi.

Mutaxassisning so‘zlariga ko‘ra, bemorlar oyoq kafti sohasidagi achishish, birdan xotira susayishi, uyqusizlik, teridagi tushunarsiz toshmalar, tana va yuzdagi uvushish, soch to‘kilishi va yurak bilan bog‘liq muammolardan shikoyat qilishmoqda. Bu alomatlar bemor shifoxonadan tuzalib chiqqandan keyin ham bir necha oy davomida saqlanib qoladi.

Lambertning fikricha, qayd etilgan kasallik alomatlarini koronavirus paytida boshidan o‘tkazgan stress asoratlariga chiqarib tashlamasdan, ularni yaxshilab o‘rganish kerak.

«Oxirigacha davolanmagan xastalik alomatlaridan qiynalishda davom etayotgan, lekin o‘zini go‘yoki tuzalganman deb yurgan odamlar soni ko‘paymoqda. Shu bois COVID-19ning uzoq muddatli oqibatlarini o‘rganadigan tadqiqotlar o‘tkazilishi darkor», — deya ta’kidlaydi mutaxassis.


Manba: "xabar.uz"
Категория: Dunyo xabarlari | | Теги: COVID-19, tuzalgandan keyin, bemorlari, alomatlardan, shikoyat qilishyapti, g‘alati | Рейтинг: 0.0/0
Всего комментариев: 0
avatar

Copyright © Tarona.net Media 2014-2020 | Все права защищены | Реклама |
Мы не несём ответственности за содержание. | Права на фильмы принадлежат их авторам. Все фильмы представлены только для ознакомления. |
Администрация не несет ответственности за размещенные пользователями нелегальные материалы! Любой фильм будет удален по требованию правообладателя