Toshkentda ikkita Lacetti to‘qnashdi, qurbonlar bor

Kecha, 2 aprel kuni soat 11:20larda Toshkent shahar, Mirzo Ulug‘bek tumani TXAY ko‘chasi, “Frank medial” MChJ qarshisida, Lacetti rusumli avtomashina ishtirokida YTH sodir bo‘ldi. Bu haqda IIV Axborot xizmati xabar berdi.

Haydovchi ikki nafar piyodani urib yuborib, so‘ng qarama-qarshi yo‘nalishda harakatlanib kelayotgan boshqa Lacetti avtomashinasiga urilgan.

Yo‘l transport hodisasi oqibatida ikki fuqaro vafot etgan. Holat yuzasidan Toshkent shahar IIBB Tergov boshqarmasi tomonidan jinoyat ishi qo‘zg‘atilib, Yo‘l transport hodisasi sodir etilishida gumonlanayotgan Lacetti avtomashinasi haydovchisi ushlangan.

Hozirda holat yuzasidan tergov harakatlari olib borilmoqda.