AQShda 7 yoshli bolakay 3 yoshli go‘dakni otib qo‘ydi

AQShning Tolido shahridagi xonadonlarning birida 7 yoshli bolakay qo‘lidagi qurol bilan tasodifan 3 yoshli go‘dakni otib qo‘ydi. Bu haqida “Regnum.ru”  xabar bergan.
 
Ma’lumotlarga ko‘ra, falokat sodir bo‘lgan vaqtda uyda kattalar ham bo‘lishgan. Ayni vaqtda polisiya, 7 yoshli bolaning qo‘lidagi qurol kimga tegishli ekanini aniqlamoqda.
 
3 yoshli Tayron Xoskinsning jasadini yorish vaqtida uning aynan o‘q tufayli vafot etgani tasdiqlandi. Tergov ishlari davom etmoqda.
 
Voqea bir necha kun avval sodir bo‘lgan bo‘lsa-da, bu haqda bugun, 1 noyabr kuni oshkor qilindi.

Umida Yakubova