Argentinada erkak kishi ulkan kaktusga yiqilib tushdi (foto)

Argentina poytaxti Buenos-Ayresda velosipedchi ulkan kaktusga yiqilib tushdi, natijada shifokorlar jabrlanuvchini tanasidagi minglab tikanlar bilan kasalxonaga yotqizishdi, deb yozdi “Daily Mail”.

"Asfaltdagi chuqurchani payqamay qoldim va unga tushib ketib, muvozanatni yo‘qotdim. Baxtimga ko‘zoynak va bosh kiyimim yuzim va boshimni falokatdan saqlab qoldi. Tanamga kirib ketgan tikanlar ko‘zimni ko‘r qilishi mumkin edi", deydi Diyego Moreno.

Ma’lum bo‘lishicha, erkak uchta do‘sti bilan birga shahar bog‘ida velosipedda sayr qilgan va to‘satdan yo‘ldagi teshikka tushib ketgan-u, yo‘lning yonida o‘sib chiqqan katta kaktusga yiqilgan.