Bugun qabul komissiyalari o‘z ishini yakunlaydi

O‘zbekistonda abiturientlarning oliy ta’lim muassasalariga hujjat topshirishlari uchun ohirgi kun nihoyasiga yetmoqda.
Shu yildan e’tiboran qabul komissiyalarining faoliyati 15 iyundan 15 iyulga qadar davom etadi. Ayni damga qadar qabul komissiyalari qariyb 688 ming kishidan hujjat qabul qilishdi, bu bir o‘ringa 10 kishi da’vogarlik qilmoqda degani.

Ma’lumki, aksariyat abiturientlar qabul komissiyalarining so‘nggi ish kuniga taqab hujjat topshiradilar, buning sababi esa tanlov kamroq bo‘lgan oliy ta’lim muassasasi yo‘nalishini tanlash.

Bu yil oliy ta’lim muassasalariga 66 586 nafar talaba qabul qilinishi rejalashtirilgan.

Kun yakunida abiturientlarning umumiy sonini e’lon qilamiz.