Ulug‘bek Rahmatullaevning 2016- konsert dasturi haqida batafsil

Elimiz suygan xonanda, O‘zbekistonda xizmat ko‘rsatgan artist Ulug‘bek Rahmatullaevning “Qirmizi olma” nomli konsert dasturi start ham oldi. Dasturning ilk kuni a’lo darajada bo‘lib o‘tdi desak yanglishmaymiz. Xonanda bu yilgi konsert dasturiga katta tayyorgarlik olib borganini dasturni kuzatib bilib olish qiyin emas. Konsertda 10 dan ortiq yangi qo‘shiqlar, muxlislar kutgan xit taronalar ijro etildi.

Bu yil konsertda ijro etilgan qo‘shiqlar ilk jarangidayoq muxlislarni qalbidan chuqur joy egalladi. Endi ular bu taronalarni intiqlik bilan kutishlari aniq. Dastur ikki qismni o‘z ichiga oldi. Birinchi qismda 10 tarona, ikkinchisida esa 11 ta qo‘shiq ijro etildi. Bu kompozisiyalar ichida 11 ta qo‘shiq yangi ijod mahsullaridandir. Shuningdek, konsertda xonanda Shahzoda bilan birga ijro etgan dueti ham jarang sochdi. Dastur davomida Shukurillo Isroilovning hazil-mutoyibalari tomoshabinlarga yaxshi kayfiyat ulashdi. Konsert davomida kuylangan qo‘shiqlardan muxlislar yig‘ladilar, kuldilar, raqsga tushdilar. Xonandaga rahmatlar aytib, ijodi yanada yuksaklarga ko‘tarilishini tiladilar. Konsert homiylari tomonidan tayyorlangan sovg‘alar ham muxlislar orasidan o‘zining baxtli egalarini topdi. Dasturning ilk kunida Shahzoda, Jahongir Poziljonov, Shohruhxon, Abdurashid Yo‘ldoshev, Manzura, Alisher Uzoqov, Javlon Shodmonov, Doston Ubaydullaev, Dilso‘z tashrif buyurishdi.

Oldinda yana 4 kun davom etadigan konsert dasturi turibdi. Biz xonandaga dasturning qolgan kunlarini ham yaxshi kayfiyatda o‘tkazib olishlarini tilaymiz. Omad yor bo‘lsin.