11:15 “Lukoyl”ning O‘zbekiston hududida sotiladigan eng arzon benzini 3000 so‘mdan boshlanadi | |
O‘zbekistonda “Lukoyl”ga qarashli birinchi avtomobil yoqilg‘i quyish shoxobchasining A-92, A-95 benzinlari hamda dizel yoqilg‘isi narxi e’lon qilindi, deb xabar bermoqda “1news.uz”. “Lukoyl”ning Facebook’dagi sahifasida ma’lum qilinishicha, kompaniya AYoQShda ikki turdagi benzin va dizel yoqilg‘isini taqdim etadi. A-92 benzinining 1 litri 3 000 so‘m, A-95 benzinining 1 litri esa 3 200 so‘mni tashkil etadi. “Lukoyl”ning dizel yoqilg‘isi 1 litr uchun 2 800 so‘m bo‘ladi. Avvalroq O‘zbekistonda “Lukoyl”ga qarashli birinchi AYoQSh Toshkentning Yashnobod tumanidagi Temur Malik ko‘chasida ochilish arafasida turgani haqida xabar berilgandi.
Manba: "daryo.uz"
| |
|