Saida Mirziyoyeva Allamjonov uchun «qalqon»mi? Mass-media fondi raisidan javob

Milliy mass-mediani qo‘llab-quvvatlash fondi raisi Komil Allamjonov BBC o‘zbek xizmatiga intervyu bergani haqida xabar qilingandi.

Suhbat davomida jurnalist Allamjonovga: «Ko‘pchilik Allamjonov-Saida Mirziyoyeva tandemini ko‘rishga ko‘nikib bo‘ldi. Aytinchi, shu vaqtcha Saida Mirziyoyev siz uchun qandaydir qalqon vazifasini o‘tadimi? Harholda u prezident qizi...»—deya savol berdi.

«Albatta, Saida Mirziyoyevaning shu yo‘nalishga kelishi prezidentimizning jurnalistlar va matbuotga bo‘lgan e’tibori deb o‘ylayman. Saida Mirziyoyeva tandemi bilangina biz bugungi yutuqlarga erisha oldik. Matbuot xizmatlarining joriy qilinishi, matbuot muammolarining hal etilishi, uni yuqori rahbariyatga olib chiqishda Mirziyoyevaning roli katta»,—deya javob beradi Allamjonov.

Shuningdek, u yaqindagina chiqqan kitob bo‘yicha to‘xtalgan. Allamjonovga ko‘ra, asar ambitsiyalarni ifodalovchi, yoki memuar emas, shunchaki motivatsiya uchun yozilgan.