Sardor Rahimxon 7 yillik tanaffusdan so‘ng davlat tadbirida chiqish qildi

O‘zbekistonda xizmat ko‘rsatgan artist Sardor Rahimxon 7 yil davom etgan tanaffusdan so‘ng davlat tadbirida chiqish qildi.

U 14 yanvar-Vatan himoyachilari kuni munosabati bilan tashkil etilgan bayramda “Faridam” qo‘shig‘ini ijro etdi.

Tv va radiolarda yangi qo‘shiqlari muntazam yangrab turgan, yangi kliplari tez-tez namoyish etilganiga qaramay, Sardor Rahimxon davlat tadbirlarida ko‘rinish bermayotgan edi.

Bugun xonanda o‘zining ijtimoiy tarmoqlardagi sahifalariga Vatan himoyachilari kuniga bag‘ishlangan bayram dasturidagi chiqishi aks etgan videoni joylashtirib, “Allohim o‘zingga shukur! Rahmatli otajonim ruhlari shod bugun!”,deb yozdi va xursandchiligini muxlislari bilan birga baham ko‘rdi.