Toshkent viloyati “qizil“, “sariq“ va “yashil“ hududlarning yangi ro‘yxatini e’lon qildi

Avvalroq, O‘zbekiston Respublikasi Prezidenti Shavkat Mirziyoyev hududlardagi epidemiologik sharoitni qayta tahlil qilish ko‘rsatmasini bergan edi. Shunga ko‘ra, Toshkent viloyati tuman va shaharlar toifasining yangilangan ro‘yxatini e’lon qildi.

26 may 2020 yil holatiga ko‘ra, Toshkent viloyatida koronavirus infeksiyasining tarqalishi bilan bog‘liq epidemiologik vaziyatdan kelib chiqqan holda toifalashtirilgan tuman(shahar)lar ro‘yxati:

“QIZIL“ hududlar – Bekobod, Yangiyo‘l, Nurafshon shaharlari, Qibray, Oqqo‘rg‘on, Zangiota, Parkent, Toshkent, Yuqorichirchiq, Yangiyo‘l tumanlari.

“SARIQ“ hududlar – Angren, Chirchiq shaharlari, Bekobod, Quyi Chirchiq, Chinoz, O‘rta Chirchiq tumanlari.

“YASHIL“ hududlar – Olmaliq, Ohangaron shaharlari, Ohangaron, Bo‘ka, Bo‘stonliq, Piskent tumanlari.